JURNAL-VAHDAT | Интиқоли ғайриқонунии маводи нашъадор яке аз ҷиноятҳои махсусан вазнин ба шумор рафта, манбаи даромади гурӯҳҳои ҷиноӣ ва сабабгори сар задани дигар ҷиноятҳои ҷуброннашаванда мебошад. Бо пурзӯр гардидани мубориза алайҳи ин падидаи номатлуб ҷинояткорон мекӯшанд роҳу  усулҳои нави интиқоли онро кашф намоянд, вале чуноне, ки мегӯянд «бори каҷ ҳеҷ гоҳ ба манзил намерасад» ва ҳамоно ҷаллобони ин бори зиёновар дар ҳар сурат боздошт мегарданд.

Аз ихтиёр берун рафтани нафси саркаш ва ҳаваси ба даст овардани пули калону муфт, табақаҳои гуногуни одамон ва ҳатто маъюбону ашхоси носолимро низ ба коми худ мекашад ва ба интиқоли ин бори марговар даст мезананд. Аз ҷумла чунин ҳодиса дар ноҳияи Абдураҳмони Ҷомӣ ошкор карда шуд.

Ду нафар сокинони ҳамин ноҳия шаҳрванд Саъдуллоев Азамҷон Ҷумаевич соли таваллудаш 1959, истиқоматкунандаи кӯчаи ба номи Шоҳимардонов, х. 45, маҷрӯҳи гурӯҳи 1-ум, пеш бо моддаи 200, қисми 2-и Кодекси Ҷиноятии Ҷумҳурии Тоҷикистон суд шудааст, бо ҳамроҳии оилааш Саъдуллоева Ҳабиба Мирзоевна соли таваллудаш 1962, пеш бо моддаи 200, қисми 2-и Кодекси Ҷиноятии Ҷумҳурии Тоҷикистон суд шудааст, дастгир карда шуданд, ки ҳангоми кофтукови шахсӣ аз дохили шинаҳои аробаи маҷрӯҳӣ, ки ба шаҳрванд Саъдуллоев Азамҷон тааллуқ дорад, 2-кг. 17-гр., моддаи нашъадори «героин» ва 1,2-гр., моддаи нашъадори навъи «ҳашиш», дарёфт ва мусодира карда шуд.

Ҳамагон метавонанд гузориши телевизионии онро шоми чоршанбе рӯзи 18 апрели соли равон соати 18:35 дақиқа тариқи Шабакаи якуми Телевизиони Тоҷикистон дар барномаи «Сипари ВКД» тамошо кунанд.